مرة واحد ماشى مع
خطيبته واخر انسجام فقالها "عارفة اية هو الحب وايةالجواز؟ " قالته
"لا" قالها: "الحب زى النجوم الجميلة اللى "فى السماء قالتله"طب
والجواز؟" قالها:"دى البلاعة اللى واحنا بنبص على النجوم بنقع فيها
ـــــــــــــــــــــــــــــــــــــ
واحد متجوز وقاعد في البيت وبيبص كتير في عقد الجواز...مراته قالت
له: بتبص في عقد الجواز ليه يا حبيبي؟" قالها: "مش عارف يا حياتي
المأذون كتب تاريخ انتهاء العقد ده فين ؟؟!!
ـــــــــــــــــــــــــــــــــــــ
واحد نشر في إعلانات مبوبة :مطلوب زوجة!!! تاني يوم جاله 100 جواب
فيهم نفس الرد: تاخد بتاعتي؟؟
ـــــــــــــــــــــــــــــــــــــ
مرة واحدة قالت لجوزها " إهدى حبيبى كدة وأرجع زى
زمان"، الراجل طلقها و رجع لأيام العذوبية
ـــــــــــــــــــــــــــــــــــــ
واحد بيقول لمراته ... انا النهاردة عايز رومانسية فى البيت ...
راحت الزوجة سألت امها : يعنى ايه رومانسية يا ماما؟؟
الام : مش عارفة بس احتياطى إنقعى الرز
ـــــــــــــــــــــــــــــــــــــ
مره واحده بتقول لجوزها "تصدق إن أنا كل يوم بحلم بيوم
جوازنا" قالها هى لسه الكوابيس دى بتجيلك؟"
ـــــــــــــــــــــــــــــــــــــ
مرة واحد قال لصاحبه "عاوز أعمل مفاجأة لمراتي فى
عيد جوازنا"
صاحبه : "هتعمل لها إيه؟"
"هوديها
الصين"
"يا راجل فى
عيد جوازكوا العاشر توديها الصين، أومال فى عيد جوازكوا الخمسين هتعمل ايه؟!!!!!!"
"هروح اخدها ! "
موضوع: جواز وبتاع 
الأحد مارس 04, 2007 1:42 pm