]أسرتى الحبيبة
كلها أيام قليلة ويهل علينا عيد الأم ... ةالحيرة تزداد نعمل ايه لست الحبايب
إزاى نوفيها حقها ... الصبح اول متفتح عنيها نطبع على خدها بوسة حلوة ونبوس إيديها ...
نضحك في وشها الملائكى وندعيلها وتدعيلنا ... بنحاول قد ايه نفرحها في اليوم ده ولو بكلمة
كل سنة وانتى طيبة
والدموع تنزل جرى على صوت فايزة احمد واغنية (( ست الحبايب يا حبيبة .. يا أغلى من روحى ودمى ))
ياااااااه قد ايه مشاعر جميلة وصادقة ومهما عملنا هيكون شوية
مش هنقدر أبداً نوفى حقها ...
بس في كتييييييير اوى منا وتقريباً كل واحد منا ليه أم تانية ... متقلش أبداً في الغلاوة والمعزة ...
وضحت كتيييييير علشانا
أم لم تلدنا بس محدش في الدنيا حبنا قدها .. أم ربت وحبت وضحت
ممكن تكون الجدة اللى ربتنا بعد وفاة الوالدين ...
أو الخالة أو العمة اللى لم تنجب بس سبحان الله ربنا وضع في قلبها كل الحب والحنان والتضحية علشانا
او الخالة او الاخت او العمة اللى متجوزتشى وعدت ال 60 و ال70 سنة علشان بس تربينا وتعلمنا وتجوزنا
وفى كتيييير امثلة ممكن واحد بعيدة خاااالص مش قريبة ولا بينا وبينها اى صلة رحم ..
واحدة طيبة خدتنا من ملجأ او من الشارع وسهرت الليالى وربتنا مع أولادها وضحت علشانا وخدت اللقمة من ايد
ابنها وقسمتها علشان تأكلنا وتلبسنا
بصراحة في امثلة كتيييييير او الجارة اللى شاركتنا كل افراحنا وأحزانها وربيتنا معاها في بيتها لما لاقينا
نفسينا لوحدنا ...
الستات دى بجد كتيييييييييييير ومش عارفة اكيد اذكرهم
بس كل واحد فينا عارفها ....
ياريت يوم الام مننسهاش أبداً ونكون أول شئ تفتح عنيها الجميلة وتشوفنا قدامها ونبوس إيدها وندعيلها
ونقولها تسلميلى يا أمى يا ست الحبايب
تحياتى للجميع الامهات في دنيا
: